10 de maio de 2024
Esta actividades enmárcase dentro do proxecto de Intercambios escolares do Eixo Atlántico
Do 8 ao 10 de maio, o alumnado de 6º de primaria do CEIP Wenceslao Fernández Flórez está a participar nun intercambio escolar con alumnado do agrupamento de escolas D. Manuel Faria e Sousa en Felgueiras - Portugal.
Este proxecto promoveo o Eixo Atlántico e está organizado desde o servizo de educación do Concello da Coruña.
O mércores 8 de maio, un total de 19 rapaces e rapazas máis 3 adultos, desplazáronse desde á Coruña cara a Felgueiras onde foron recibidos na cámara municipal de Felgueiras. Ao día seguinte acudiron ao Mosteiro de Santa María do Pombeiro, onde lles fixeron unha visita guiada e ese mesmo día pola tarde, na Casa do Risco, fixeron un obradoiro de bordado. Para o venres espéranlles outras actividades ao aire libre, antes de inicar a viaxe de regreso á Coruña.
Programa ao que pertence
Con este programa búscase facilitar o intercambio entre escolares dos diferentes municipios de Galicia e Norte de Portugal integrantes do Eixo Atlántico, para compartir experiencias entre escolares; especificamente, dar a coñecer a cidade da Coruña ao alumnado dun centro educativo do municipio portugués de Felgueiras .
Os intercambios terán lugar durante 2 ou 3 días nos meses de abril ou maio de 2024.
Máis informaciónSentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible